საცხოვრებელი გარემო

ჰაი ლაინ მოძრაობა და ურბანული გამწვანების აუცილებლობა

სწორედ უნიკალური მიდგომა და ურბანული სივრცის განსაკუთრებულობის გათვალისწინებაა საჭირო იმისთვის, რომ ქალაქის პრობლემები სწორად გადავჭრათ

296

მე-19 საუკუნიდან, ქალაქების არნახულ განვითარებასთან ერთად, ნათელი გახდა, რომ ბუნებასთან კავშირის გარეშე ადამიანის არსებობა წარმოუდგენელი ხდებოდა. ამიტომაც, ქალაქგეგმარებასთან ერთად, განვითარდა ურბანული ლანდშაფტის დიზაინი, რაც თავის თავში პარკებისა და სკვერების მოწყობას გულისხმობს. უნდა აღინიშნოს, რომ ქალაქს მწვანე საზოგადოებრივ სივრცეთა სისტემა სჭირდება და არა კუნძულოვანი გამწვანება. ასეთი ”პარკების სისტემა“ მე-19 საუკუნეში შეიქმნა: მისი მაგალითია ცენტრალური პარკი ნიუ იორკში და პროსპექტ პარკი ბრუკლინში. ურბანულ გარემოში ბუნების შემოტანის ტექნიკის თავისებურებები გამოწვეულია იმით, რომ მწვანე საფარის ფუნქცია ქალაქში ძალიან იცვლება. ყველა ხესა თუ პატარა სკვერს გადამწყვეტი მნიშვნელობა აქვს უბნისა და მთლიანად ქალაქის ეკოლოგიისთვის. თანამედროვე არქიტექტურა მწვანე სივრცეს უყურებს როგორც სოციალურ სივრცეს, რომელიც ქმნის ჯანსაღ საზოგადოებას, სწორად დაგეგმარებულ ქალაქსა და საცხოვრებლად კომფორტულ სივრცეს.

მე-19 საუკუნიდან, ქალაქების არნახულ განვითარებასთან ერთად, ნათელი გახდა, რომ ბუნებასთან კავშირის გარეშე ადამიანის არსებობა წარმოუდგენელი ხდებოდა. ამიტომაც, ქალაქგეგმარებასთან ერთად, განვითარდა ურბანული ლანდშაფტის დიზაინი, რაც თავის თავში პარკებისა და სკვერების მოწყობას გულისხმობს. უნდა აღინიშნოს, რომ ქალაქს მწვანე საზოგადოებრივ სივრცეთა სისტემა სჭირდება და არა კუნძულოვანი გამწვანება. ასეთი ”პარკების სისტემა“ მე-19 საუკუნეში შეიქმნა: მისი მაგალითია ცენტრალური პარკი ნიუ იორკში და პროსპექტ პარკი ბრუკლინში. ურბანულ გარემოში ბუნების შემოტანის ტექნიკის თავისებურებები გამოწვეულია იმით, რომ მწვანე საფარის ფუნქცია ქალაქში ძალიან იცვლება. ყველა ხესა თუ პატარა სკვერს გადამწყვეტი მნიშვნელობა აქვს უბნისა და მთლიანად ქალაქის ეკოლოგიისთვის. თანამედროვე არქიტექტურა მწვანე სივრცეს უყურებს როგორც სოციალურ სივრცეს, რომელიც ქმნის ჯანსაღ საზოგადოებას, სწორად დაგეგმარებულ ქალაქსა და საცხოვრებლად კომფორტულ სივრცეს.

ეკონომიურობისა და კომპაქტურობის ტრენდმა არამხოლოდ არქიტექტურაში, არამედ დიზაინშიც დაიმკვიდრა თავი, ამიტომაც ლანდშაფტის დიზაინერები ცდილობენ გამწვანება ურბანულ გარემოში რაც შეიძლება ორგანულად შეიყვანონ. ამის საუკეთესო მაგალითი კი ჰაი ლაინ პარკია. ჰაი ლაინ პარკი, იგივე ჰაი ლაინი, როგორც მას ნიუ იორკელები უწოდებენ, რამდენიმე ეტაპისგან შემდგარი მსხვილი ლანდშაფტური პროექტია, რომელიც ყველას ყურადღებას იპყრობს თავისი განსაკუთრებულობით. 2,3 კილომეტრი სიგრძის პარკის არაჩვეულებრიობა იმაში მდგომარეობს, რომ პარკი გაშენებულია ნიუ იორკის ცენტრალურ რკინიგზაზე, უფრო ზუსტად, კი მის გაუქმებულ ნაწილზე. ნიუ იორკის პარკებისა და რეკრეაციის დეპარტამენტისთვის, ინსპირაცია პარიზის ცნობილი პარკი, პრომენად პლატე გამოდგა, სადაც უკვე ქონდათ ქალაქის რკინიგზის გამოუყენებელი ნაწილის რეკრეაციულ ზონად გადაკეთების გამოცდილება. ჰაი ლაინის პირველი ეტაპის მშენებლობა 2006 წელს დაიწყო.

ჰაი ლაინი ურბანული გამწვანების სწორი მაგალითია: ქალაქის ძველი პრიორიტეტი ახლით ძალიან ორგანულად ჩანაცვლდა. სწორედ ამ პროქტმა დაუდო სათავე დიზაინერების გაერთიანებას, რომლებიც სხვადასხვა ქალაქებს ურჩევენ თუ, როგორ გადააკეთონ მათთან არსებული მიტოვებული ინფრასტრუქტურული პროექტები საზოგადოებისთვის მიმზიდველ ადგილად. ამ გაერთიანებას ჰაი ლაინ ნეთვორქი ქვია და მოიცავ დიზაინერების, არქიტექტორების, საზოგადოების ლიდერების კავშირს, რომლებიც შთაგონებულნი არიან ჰაი ლაინ პროექტით და სურთ ისეთ დიდ ქალაქებში, როგრიცაა ლოს ანჯელესი, ატლანტა ვაშინგტონი და სხვ. გამოუსადეგარი საჯარო სივრცეები გამწვანებულ, ჯანსაღ ადგილებად აქციონ.

7 თვიანი დიზაინერული შეჯიბრის შემდეგ არქიტექტურულმა კომპანია OMA-მ, ლანშშაფტის არქიტექტორებთან ერთად შექმნეს ვაშინგტონითვის პირველი ამაღლებული პარკის გეგმა, რომელიც გადაკვეთს მდინარეს. ეს პარკი მაცხოვრებლებს მოემსახურება როგორც ხიდი და ამავდროულად იქნება საჯარო ივრცე, სადაც ჩატარდება ხვადასხვა ფესტივალები და წარმოდგენები. რა თქმა უნდა, პარკი ეკო-მეგობრული დიზაინისაა. მას ორივე მხრიდან ექნება ჩანჩქერები, რომლებზეც დამონტაჟებული იქნება თანამედროვე ფილტრაცია მდინარის გასაწმენდად.

ალბათ, სწორედ უნიკალური მიდგომა და ურბანული სივრცის განსაკუთრებულობის გათვალისწინებაა საჭირო იმისთვის, რომ ქალაქის პრობლემები სწორად გადავჭრათ და ჩვენს ქალაქსაც დავუბრუნოთ მწვანე, ჯანსაღი და საინტერესო საზოგადოებრივი სივრცეები.

ჩვენ გირჩევთ

საცხოვრებელი გარემო

ნახშირორჟანგის გავლენა ადამიანებსა და ბუნებაზე - დიდი ქალაქების დიდი თავისტკივილი

გლობალურ დათბობას, ბევრი გამომწვევი მიზეზი აქვს. მეცნიერები თქმით, ყველაზე დიდ როლს ამ სახიფათო პროცესში წვით მიღებული გამონაბოლქვი და მათი დაგროვება იწვევს.

167
ნახე მეტი
საცხოვრებელი გარემო

საცხოვრებლის ენერგოეფექტური დაგეგმარება, როგორც ტემპერატურის კონტროლის საშუალება

სამეცნიერო საზოგადოებაში, შენობის კარგად განვითარებული კონცეფციები ხელს უწყობს თერმულად ეფექტურ, დაბალენერგეტიკული შენობების მიღებას.

197
ნახე მეტი

ჩატვირთვა

კონტაქტი

ოფისი:

ზურაბ საკანდელიძის ქუჩა 21

ადმინისტრაცია:

+995 32 2 604445 +995 32 2 604445

გაყიდვები:

+995 32 2 237575 +995 32 2 237575

[email protected]